Ég hef hætt að nota Feedburner þjónustuna en feedið fyrir bloggið hefur beinst til þeirra með sérstakri slóð. Þeir sem hafa verið áskrifendur hafa mánuð til að velja nýju slóðina áður en Feedburner slóðin verður alveg óvirk en hún er framsend eins og stendur.
Ég vil hafa ákveðna stjórn á feedinu og því hef ég ákveðið þetta. Finnst líka betra að hafa eiginlega feedslóð fyrir bloggið í stað slóðar til þriðja aðila.
Ágætt ef lesendur vilja fylgjast með einhverju ákveðnu.
Ég reyndi að setja RSS íkon við hvern færsluflokk sem sést í síðudálkinum en það birtist ekki eins og það átti að gerast í öllum vöfrum. Kannski ég geri aðra tilraun við tækifæri. En á meðan er hægt að nálgast feed þar sem vafrinn býður upp á það þegar ákveðinn færsluflokkur eða stikkorð er skoðað.
Eins og ég hef gefið áður í skyn á þessu bloggi þá er ég mjög aðhaldssamur þegar kemur að því að nota stikkorð (tag) fyrir færslurnar hérna. Stikkorð eru notuð til að auðvelda lesendum að finna efni sem gæti verið af áhuga. Á þessu bloggi má sjá stikkorð fyrir færslur neðarlega við færslu ef hún hefur verið stikkorðuð og síðan stikkorðasafn (tag cloud) í síðudálkinum.
Ég hef margrekið mig á það að vefir sem bjóða upp á stikkorð geta haft frekar ópraktískar aðferðir í þessum málum sem mér finnst oft til vansa. Stundum geta stikkorð verið bölvaður óþverri sem höfundar eða notendur eru að bjóða lesendum upp á og er ég að reyna að læra af þessum mistökum. Málið finnst mér aðallega snúast um hvort stikkorðin séu í raun og veru viðkomandi fyrir færslu og oft er það bara ekki þannig. Þetta gerir leit lesenda óþarflega tímafreka og jafnvel tilgangslausa. Þetta finnst mér því að ætti að varast og frekar að einfalda þetta fyrir lesendur.
Ég get alveg játað að það sé skekkja í minni eigin stikkorða notkun og jafnvel að ég sé of aðhaldssamur, en ég vona að ég læri að haga þessu betur með tímanum.
Ef ég lýsi því hvernig ég vel stikkorð fyrir færslu þá gæti ég að því að velja ekki stikkorð sem er það sama og færsluflokkurinn. Kannski er þetta óþarfi hjá mér og get ég vel skilið afhverju. En ég er einungis að sjá til að lesendur sem eru að gefa sér tíma til að kynna sér þetta blogg þurfi ekki að renna yfir sama atriði aftur og aftur þegar ákveðinn færsluflokkur og stikkorð er skoðað.
Annað sem ég athuga við vali á stikkorði er að heitið sé ekki bara nefnt í færslunni. Segjum að ég væri að skrifa um bloggkerfis hugbúnað almennt og hvernig þau nýtast manni í dag, og ég listaði meðal annars WordPress meðal margra annarra án þess að ræða sérstaklega um það. Ég hefði þá ekki valið WordPress stikkorð fyrir færsluna. Ef ég hefði gert það þá hefði lesandi sem væri að kynna sér færslur með WordPress stikkorðinu á blogginu ekki fengið nægjanlegar upplýsingar um WordPress í færslunni heldur bara nafnið. Stundum hefði það komið að liði ef lesandinn hefði aldrei heyrt um það áður og gæti þá hugsað sér að kynna sér það frekar, en annars finnst mér þetta vera óþarfi og vel að gera þetta ekki. Ég hefði bara notað WordPress stikkorð ef umfjöllun um það væri nægjanlega áberandi í færslunni hlutfallslega séð eða ég teldi kannski lesendur geta haft gagn af stikkorðinu.
Annars er hægt að sjá með önnur stikkorð hérna að stundum er færsla ekki með nægilega umfjöllun sem stikkorðið snertir, en ég geri það þá af því mér finnst það lýsandi fyrir færsluna, það sem ég hef í huga í færslunni.
Lesendur geta tekið eftir að ég vel ekki WordPress stikkorðið fyrir þessa færslu enda er ég aðeins að nefna Wordpress en ekki að ræða um það. Það gæti þó hugsast að ég myndi velja ‘Stikkorð’ sem stikkorð fyrir þessa færslu með tímanum ef ég kem með þiðju færsluna um stikkorð.
Það er farið að halla á nóvember mánuð, einn af þremur sælustu mánuðum ársins eftir mínu geði. Ég hef verið dálítið virkur á blogginu í mánuðinum og skrifað 8 færslur hvorki meira né minna og er það met síðan í maí þegar ég gaf út 15.
Þetta hafa verið fyrirsagnirnar:
Þegar litið er tilbaka þá er ég nokkuð sáttur við þetta.
Lesendur geta kannski komið auga á það að ég hafi ekki skrifað neitt um samfélagskrísuna og líka krísu sem gengur á út í hinum stóra heim, en ég hef nákvæmlega ekkert að segja eins lengi og ég hef ekki staðreyndir á borðinu. Ég er annars mjög heppinn að krísan snerti mig ekki persónulega nema verðbólgan. Það eru reyndar ýmis atriði eins og greiðslur af láni til útlanda og greiðslur fyrir þjónustu og vörur erlendis frá sem koma illa við mig núna vegna gengis, en þetta er bara minniháttar miðað við hvað margir þurfa að líða. Það ríkir mikið vantraust og reiði hjá fólki sem þarf að líða og eins mikið óöryggi.
Við þessar aðstæður þýðir lítið fyrir mann eins og mig að varpa fram hugleiðingum sínum í fangið á fólki sem gæti verið að líða mitt í þessum þrengingum. En ég hef reynt að leggja mig fram við að draga ekki fljótfærar ályktanir af því sem gengur á og finnst því best að segja sem minnst. En ég held ég geti leyft mér að segja að þó að það sé hægt að draga lærdóm af þessum umbrotatímum og mennirnir munu gera það, þá verður það bara upp að vissu marki alveg eins og varð raunin með kreppuna miklu um miðja síðustu öld, við lærðum, en samt ekki nóg, það verður líka tilfellið núna. En þetta er djöfulli umskapandi ástand og getur leitt til mikilla framfara þegar það versta er yfirstaðið.
Í ár kynnti klíníski sálfræðingurinn Tanya Byron, BBC heimildaþáttinn “Am I normal?” þar sem hún kannar mörk ásættanlegrar hegðunnar, hvað samfélagið kalli ‘eðlilegt’ og hver sé skaðinn í að víkja frá því normi. Þátturinn er í fjórum hlutum, og í þeim þriðja tekur hún fyrir það sem sumir telja vera hárfína línu milli trúrækni og geðrænna sjúkdóma. Þar ræðir hún meðal annars við fólk sem heyrir raddir og fólk sem talar í tungum og eins nunnur, trúaða, trúlausa, sálfræðinga og aðra sérfræðinga. Í þættinum fylgist hún með því þegar maður sem talar í tungum er settur í heilaskönnun á meðan og var það nokkuð athyglisvert, greinilega eitthvað sem vert er að rannsaka nánar.
Þessi þriðji hluti þáttarins “Am I normal?” er í sex myndskeiðum á YouTube og má finna þau öll í spilaranum í færslunni eða sjá fyrsta myndskeiðið fyrir Am I Normal? - Spirituality.
The Adventure of the Final Problem er stutt saga eftir Arthur Conan Doyle með sjálfum Sherlock Holmes í aðalhlutverki og var fyrst gefinn út í Strand Magazine 1893. Sagan sem gerist árið 1891 kynnir til sögunnar mesta fjandmann Holmes, Professor Moriarty sem er víða talinn vera fyrsta sanna fyrirmynd ofurkrimmans. Holmes er látinn lýsa Moriarty sem “Napoleon glæpa”.
Hérna er myndskeið þar sem þeir tveir eru sýndir eigast við. Þarna er Holmes leikinn af Jeremy Brett og Moriarty af Eric Porter í The Final Problem sem var hluti í röð sjónvarpsþátta um Sherlock Holmes sem Granada Television sýndi frá 1984 og 1994.
Ég er eiginlega nýbyrjaður að fylgjast með bloggum með því að gerast áskrifandi að þeim. Þetta höfðaði ekki svo mikið til mín fyrr en ég var búinn að bókmerkja það mörg blogg að það var orðið erfiðleikum bundið að fylgjast með þeim öllum í vafranum.
Ég setti þá upp Firefox viðbótina Sage sem er feed lesari og þetta var orðið strax skaplegra enda mun skilvirkari máti að fylgjast með bloggum. Það skiptir miklu að geta látið feed lesara sækja bara uppfærð blogg, það sparar manni tíma og fyrirhöfn.
Ég var búinn að nota þetta um tíma þegar ég vildi eitthvað meira og fór því að kynna mér feed lesara. Ég ákvað að prufa FeedDemon sem er ókeypis og er fyrir Windows kerfi og finnst hann koma ágætlega út og finnst svona lesari betri að nota heldur en einfaldar lesarara viðbætur fyrir vafra, allavega Sage. Ég gat importað OPML skrá með feed slóðunum frá Sage yfir í FeedDemon og var þá ekkert annað að gera en að byrja að lesa.
FeedDemon býður upp á ýmsa sniðuga möguleika sem geta auðveldað yfirferðina eins og þegar maður hefur gleymt að merkja færslur sem lesnar en þá getur maður notað það sem er kallað Panic Button og valið að merkja við færslur sem lesnar sem eru 24 stunda gamlar, 48 stunda eða 5 daga gamlar. Annar gagnlegur möguleiki er sá að fá lista yfir feed sem hafa ekki verið uppfærð í ákveðinn fjölda daga og haft þannig yfirsýn yfir feed sem gæti ekki verið þess virði að hafa í lesaranum eða þá að flytja þau í sérstaka möppu sem maður er ekki láta fylgjast með á reglulegum fresti. Enn annar möguleiki er offline stuðningur sem er sagður góður. Með honum er hægt að velja að hlaða niður myndum í feedi og síðum sem tenglar í feedi vísa á áður en maður velur að vera offline. Þetta er kannski ekki nauðsynlegt heima hjá manni þó aðstæður gætu skapast þar sem það kæmi að notum, en á ferðalögum gæti þetta verið sniðugt. Mér sýndist þetta ekki sækja allar síður sem tenglar í feedinu vísaði á en það er stillingaratriði.
Það er líka ágætt að myndbönd birtast líka í FeedDemon.
Ég er búinn að gera þetta blogg tilbúið fyrir farsíma. Ég notaði WordPress pluginið WP viewMobile til þess og krefst það útgáfu 2.5 og virðist virka með 2.7 Beta 2. Það ber kennsl á gesti sem skoða bloggið með farsíma og birtir sniðmát sem er bestað fyrir farsíma og slíkan búnað. Það er hægt að velja að láta minnka myndir eða fjarlægja.
Ég er ekkert smá ánægður með útkomuna því ég prufaði vefinn með próf tólinu ready.moby sem metur hæfni vefs fyrir farsíma, áður en ég setti upp pluginið. Útkoman var þá 1 stig af 5 sem er mjög slæmt og stærðin var 408k. Hraðinn var 100.90s með GPRS og 23.66s með 3G. Kostnaður hefði getað verið nokkur við þetta.
En eftir að ég setti upp pluginið þá fóru hlutir að gerast því ég fékk nær því 4 stig af 5. Stærðin var komin niður í 17.42k og hraðinn með GPRS var 6.22s en 1.97s með 3G. Kostnaður hefði verið lítill sem enginn.
Ég prufaði þetta og var þetta mjög fljótt að hlaðast niður. Ég er með frekar lítinn farsíma frá 2004-5 með frekar litlum glugga miðað við nýja farsíma og kemur öll færslan inn nema kannski myndir í einstaka tilfellum. Ef slóðin á forsíðuna er sleginn inn í farsímann þá kemur inngangur í færslur og þarf þá að smella á fyrirsögnina til að fá hana alla. Í botninum á forsíðunni er síðan tenglar á fastar síður bloggsins sem venjulega eru í hausnum á síðu og síðan koma færsluflokkar og því næst eldri færslur eða færslusafnið.
Varðandi próf tólið á ready.moby þá get ég mælt sterklega með því. Maður þarf að skrá sig og fær eins og stendur sent lykilorð í tölvupósti.
ready.mobi er tól sem tilheyrir vefnum mobiForge sem hét áður dev.mobi, þar er hægt að fá gagnlegar upplýsingar varðandi farsíma og vefinn.
En hérna eru annars skjáskot af prufunni fyrir realityum:
Samantekt frá ready.moby prófun
Farsíma búnaðar hermir
Þá er ég búinn að vera nota nýjustu WordPress betu útgáfuna (2.7 Beta 2) í sólarhring og er farinn að kynnast því betur. Mín viðbrögð eru þau að þessi uppfærsla sé með mjög góðar nýjungar. Ein af þeim er nýi síðudálkurinn í stjórnborðinu sem safnar saman og flokkar atriðum í samanfallinn lista. Önnur nýjung er möguleikinn að geta valið margar færslur saman til gera ákveðnar breytingar á þeim en þó ekki innihaldinu. Ein önnur lík nýjung er síðan skjót breyting einstakrar færslu þar sem manni gefst færi á að fara betur í breytingu á henni með því að velja annan færsluflokk í staðinn, breyta stikkorðum og velja önnur í staðinn og fleira.
Núna er hægt að uppfæra WordPress í stjórnborðinu með því að nota sjálfvirkt uppfærslu script sem hleður niður nýjasta WordPress og setur það upp. Núna er líka hægt að setja upp nýtt plugin beint í stjórnborðinu.
Hérna á myndinni að neðan má sjá hvar ein færsla hefur verið valinn til skjótrar breytingar (fá upp upphaflegu stærð með því að smella á myndina).
Þá hef ég uppfært WordPress í 2.7 Beta 2. Ég gat hreinlega ekki beðið þar sem ég hafði heyrt svo mikið um þessa uppfærslu. Ég hef aldrei uppfært í betu útgáfu en heyrði að þetta væri að ganga vel. Það má kannski búast við því að það komi önnur beta eða Release Candidate útgáfur, en ég gat semsagt ekki beðið.
Ég taldi best að fjarlægja gamla þemað sem ég hafði verið að nota og þess í stað nota þemað sem fylgir með. Ég mun síðan setja upp annað þema þegar þau koma í samhæfðri útgáfu.
Þetta virðist vera ágætt en ég er samt ekki ýkja hrifinn af breytingu á stjórnborðinu, en allir hafa verið að bíða eftir því og sýnist mér beta prufendur hafa látið vel að því. Mér fannst hitt stílhreinna og mýkra, en kannski á þetta eftir að venjast.
Wordpress hafa gefið út tvær stórar uppfærslur á árinu og fjórar litlar sem bæta upp á þær stóru og hafa þær stóru verið alveg ágætar og nokkuð spennandi og hafa jafnvel bætt stórlega einhver bug. Það var tildæmis hvimleitt að breyta færslu með YouTube myndbandi áður en fyrsta stóra uppfærslan kom á árinu, það eyðilagði alveg útlitið á síðunni. En þetta var semsagt leiðrétt í vor minnir mig þegar 2.5 útgáfan kom.
Í 2.7 þá koma nýjungar eins og í öllum stórum uppfærslum. Til að mynda þá á núna að vera hægt að uppfæra kerfið í gegnum stjórnborðið. Það á að vera hægt að setja inn plugin eða íbætur í stjórnborðinu en það þurfti áður að gera með FTP.
Það má búast við því að 2.7 komi út í endanlegri útgáfu í lok mánaðarins.