Mér finnst mest spennandi að horfa á Al Jazeera.
Um daginn sendi streymis sjónvarps þjónustan Livestation mér tilkynningu um að mér væri hér með boðið að taka þátt í beta keyrslunni, en ég hafði fyrir löngu beðið þá um að vera boðið en það synjað mér og beðið mig að bíða.
Ég hlóð niður pakka frá þeim og setti upp og get núna horft og hlustað á nokkrar fréttastöðvar þar á meðal BBC World, arabísku Al Jazeera á ensku, Sky News, og EuroNews og France24 á bæði ensku og frönsku.
Livestation býður semsagt upp á beint streymi frá fréttastöðvum og þó það sé bara fáir aðilar að þessu eins og stendur þá lofar þetta góðu og fleiri munu bætast við með tímanum.
Livestation skilst mér að sé einungis fyrir Windows Xp og Vista en Mac útgáfa er í undirbúningi og eins stuðningur fyrir önnur kerfi.
Ég geri ráð fyrir því að það sé hægt að skrá sig hjá þeim og fá sent invite. Ef ekki hafðu þá samband við mig á Contact síðunni ef þú hefur áhuga og ég skal reyna að senda þér invite.