Realityum

Reynsla mín af Photoree mynda leitarvefnum

Henry — Thu, 28 Jan 2010 01:40:51 +0000

Í framhaldi færslu minnar í september um mynda leitarvefinn Photoree þá vil ég segja að ég hef verið að nota vefinn mér til mikillar ánægju eftir það. Ég ákvað síðan fljótt eftir á að stofna til notanda á Flickr og byrja að safna myndunum í favorites enda eiga myndirnar í síunni að vera komnar þaðan.

Ég vildi gera þetta til að halda utan um myndirnar, hafa gagnlegar upplýsingar um þær aðgengilegar og nýta myndirnar þannig betur bæði til skoðunnar og eins ef ég skildi nota þær á vef ef leyfi fyrir slíku væri fyrir hendi þannig að nauðsynlegar leyfis upplýsingar væru til staðar. Ég hafði ekki sett upp neitt forrit á þeim tíma sem gæti hjálpað mér til þess og hugsaði ekki út í það, en það ætti kannski frekar að hafa vera lausnin.

Að hafa notað Photoree hefur verið reynsluríkt á ýmsan hátt. Sían hefur náð að þrengja sig svo vel að mér eru sýndar afskaplega flottar myndir og oft sérstaklega áhugaverðar, og eftir því sem látið er reyna á síuna þá virðist ég vera að fá fleiri og fleiri myndir af slíku tagi og þetta hefur ekki bara reynst mér ánægjulegt heldur líka lærdómsríkt.

Hérna fyrir neðan má síðan sjá skjáskot frá síðu þar sem manni er sýnd mynd sem sían telur að geti verið af áhuga fyrir mann og virðist vera ákveðið þema kvöld sé í gangi þegar þetta er tekið.

Fyrir ofan síðan er skjáskot af síðu með nýjustu myndunum sem mér hefur líkað vel við.

Það er aragrúi afskaplega áhugaverðra mynda á Flickr og finnst mér það á mörkunum að ég geti fengið mig til að birta einstaka myndir þegar framboðið er svo mikið. En ég ákvað að birta með færslunni mynd sem tengist einu af hugðarefnum mínum þessa dagana og er umrætt efni eitt það allra áleitnast fyrir mér á þessum tímapunkti.

Photo by Bashar Al-Ba’noon – http://www.radiantguy.com/

Ef þú hefur áhuga þá getur þú skoðað myndirnar sem ég hef favoritað með því að fara á prófíl síðu mína og valið Up-rated (verður að vera innskráður notandi): minn notandi á Photoree.

Skyldar færslur:

Photoree mynda leitar vefurinn

Aggressívt guðleysi

Henry — Sun, 13 Dec 2009 20:31:38 +0000

Mér hefur alltaf fundist Pat Condell vera með mest áhugaverðustu afstöðuna til trúarbragða, það er að segja af því sem hef ég kynnst. Því það sem hann gerir er að nálgast efnistökin á frekar óvenjulegri máta en ég verð venjulega var við og er beint áfram í meðferð sinni á þessum atriðum og sviptir þau þeirri helgi sem þau eiga ekki skilið.

Mörg atriði sem eru álitinn eiga að vera helg, eiga alls ekki skilið að vera meðhöndluð á þann varfærnislega máta sem venjulega er gert, því augljóst er að við blasa atriði sem eru svívirðilega á skjön við heilbrigða skynsemi.

Þessi atriði fær fólk til að breyta illa og tálma eða minnsta kosti fordæma það sem á að vera fólki lausn undan samfélagslegu heftelsi og jafnvel sjúkdómum og halda þannig heilu samfélögunum í gíslingu þessara hugaróratengdu viðmiða sem sprottin eru af ótta við eitthvað sem er nákvæmlega ekki til staðar nema í huga fólks fyllt einhverri sjúklegri sektarkennd og á slíku því verður að taka á.

Hérna er annars reiðilestur Pat Condell’s sem hann hlóð nýlega upp á YouTube rás sína og nefnir ‘Aggressive atheism’.

Engin skyld færsla.

Særður en þó ekki vonsvikinn

Henry — Thu, 10 Dec 2009 15:33:19 +0000

Ég verð að lýsa því yfir að ég er mjög ósáttur við ýmislegt sem ég hef orðið var við síðasta hálfa árið og tengist mér persónulega. Ég er mjög særður og líka reiður vegna þessa og hef ég eytt dágóðum tíma og orku í vangaveltur mínar sem hafa sprottið upp í þessu ástandi.

Þetta byrjaði síðasta vor þegar ég varð var við dálítið sem kom illa við mig og kom meiri hreyfingu á “fálmaranna” en gengur og gerist og hafa þeir þó verið óvenju actívir síðustu árin fyrir margra hluta sakir.

Ég er enn ekki búinn að meta þetta að fullu eðlilega, en ég geng út frá því að það eru persónur þarna úti eða voru þarna úti sem mér finnst vera eða fannst vera vorkunn að, því ég tel að það hafi verið í gangi orðrómur sem á sér í raun ekki neinn grundvöll annan en þann sem reistur er á yfirborði og flatneskju hugarfars manna sem ekki vita hvað þeir hafa verið að gera og eru að gera ef þeir þá eru enn að.

Ég tel þetta hafa verið afar grunnhyggnislegt og tel að hinir sömu verði sjálfir að bera ábyrgð á því sem miðlað hefur verið og haft hefur verið uppi og tel að sá ábyrgðarhluti sé enn til staðar, jafnvel þó þeir hafi þegar mætt sjálfum sér og sínum verkum.

Það er nefnilega ekki tekið út með sældinni að taka á málum frá öðru sjónarhorni en venjan er. Það fyrirfinnast nefnilega málefni sem ég tek einfaldlega ekki á eins og fólk flest þar sem mér finnst það einfaldlega ekki bjóða upp á það. Það er hægt að rökræða um hluti og er það vísast heillavænlegast, ég viðurkenni það alveg. En málefni geta verið svo margþvæld og svo ómerkilega grunn að það er bara ekki annað hægt en að nálgast þau frá allt öðru sjónarhorni en gert er og á þann hátt að það stangist á við viðtekinn gildi sem jafnvel aðrir mótsnúnir virðast takast á við á almennum röklegum grunni eins og það væri rétt fyrir neðan viðmið þeirra sjálfra en ekki meira en það. Hinir sem taka á þessu hinsvegar frá ská geta fengið bágt fyrir frá báðum deildum og geta verið litnir hornauga í kjölfarið.

Þetta getur gert aðstæður þeirra hættulegar og leitt til þess að fólk fari að grennslast fyrir að upplýsingum til að láta sér líða betur frammi fyrir þeim sem er utangarðs og hafa dirfst að bjóða hinu lágkúrulega byrgin.

Hvernig síðan tekið er á þessum upplýsingum sem fengnar hafi verið eftir leiðum sem verða að teljast vafasamar og jafnvel óheiðarlegar í sumum tilfellum, veltur allt á hugarfari manna sem geta horft ofan á yfirborðið en ekki dýpra en það og hvað þá ofan í kjölinn. Síðan getur mat manna orðið þeim að góðu en getur þá haft eftirbragð fyrr eða seinna og orðið þeim að tjóni ef græðgin hefur farið svo með þá.

Af þessu get ég alveg eins látið þetta mér í léttu rúmmi liggja hvað menn hafa verið að aðhafast því ég veit hvað býr í mannshjartanu og hversu skeinuhætt það getur mönnum orðið ef ástin beinist að manni sjálfum og því sem manni lætur sér vel líka.

Það er hægt að ræða um þessa hluti og yrði það jafnvel velkomið ef það mætti jafna út misskilning sem er sprottinn af því sem ég hef verið að nefna að ofan og er grunnhyggnin í mannskepnunni og það vonda sem það getur leitt af sér.

Ég er ekki alveg saklaus maður eins og flestir reyndar eru heldur ekki, en ég hef lært að hafa taum á tungu minni og er enn að reyna þegar kemur að fólki og þeirra hlutskipti í lífinu, en ég er þó ekki alveg fullkominn í slíku þó ég sé að reyna. Ég held þó að ég ráðist ekki að “aumlegu” fólki með orðrómi og sparka í það liggjandi og hverf síðan frá, eða að hverfa frá fólki orðrómisins vegna nema kannski ef sá sem hlut eigi að sé óvandlátur í frambreytni sinni og haldi sig á villuslóðum svo aðrir bíði tjóns í kjölfarið.

Ég veit eiginlega ekki hvað ég á að þykja um ýmsa, en það er greinilega djúp, djúp gjá sem hefur myndast. Ég get alveg gengist við því að ég hafi átt þátt því að grafa hana en ég tel fullvíst að bæði hugur og verkfæri manna hafi grafið dýpra en ástæða er til, því gjáin er hreinlega of djúp til að vera sönn og réttmæt, hún er því tilkominn af fávisku og grunnhyggni manna sem í ofanálag leggja sig við að aðgreina sjálfa sig frá því og þeim sem þeir vilja ekki kannast við í sjálfum sér og í þeim tilgangi að halda sér saman, því sem hið brothætta sjálfsmat manna leiðir þá til að reisa inn í sér og í kringum sig, og það varðveita og það jafnvel með kjafti og klóm eins og kostur er.

Ég hef andstyggð á þessu og hef því reynt að leggja mig við að mæta sjálfum mér í öðrum og öðru. Þetta mun ég reyna að efla enn meir í mér eftir því sem tíminn líður en það geta orðið slys á förnum vegi áfram veginn því ég þrái að reita upp arfann ekki bara í sjálfum mér heldur líka í því sem stendur mönnunum fyrir þrifum, að geta lifað í sátt og samlyndi.

Er ég þá að tala um mann á mann, eða hef ég í huga samfélagið eins og það leggur sig, er ég að tala um allan víðan heiminn, eða er ég að tala um víðara rúm sem ekki er fyrir sjónum mannanna?

Það er allavega eitt sem brennur rosalega í mér jafnvel meir en annað, og það er hvernig tekið er á almættishugtakinu og sérstaklega hvernig það er notað til að réttlæta eitthvað sem ætti ekki að fyrirfinnast neinsstaðar.

Þetta olli svo óskaplegri togstreitu og leiðindum á meðan sársauki minn sem hefur hlotist af sálarstreði mínu vegna annars, hafði galopnað að því er virðist beina leið bæði niður í ystu myrkur og upp í meiri hæðir og lætur mig leika eins og í lausu lofti og því ekki lengur með þann grundvöll sem flestir finna sig á og virðast láta sér duga.

Þarna geta slysin gerst og þá ekki bara þau sem ég verð sjálfur valdur að, heldur og aðrir.

Engin skyld færsla.

Sir Ken Robinson og sköpunargáfan

Henry — Wed, 11 Nov 2009 08:14:24 +0000

Þetta er Ted fyrirlestur frá árinu 2006 með Sir Ken Robinson þar sem hann mælir fyrir menntunarkerfi sem hlúir að sköpunargáfunni í stað þess að grafa undan henni og var það ánægjurík stund að hlusta á hann enda skýrmæltur og lifandi fyrirlesari með áhugavert sjónarhorn á umræðuefninu.

Sir Ken Robinson er leiðandi á sínu sviði á alþjóðlega vísu þegar kemur að nýsköpunar og mannauðar þróun. Hann hefur lagt til að gerð verði róttæk endurmyndun á menntunarkerfinu sem myndi rækta sköpunargáfuna og viðurkenna fjölgreindina.

Segir meðal annars þetta í fyrirlestrinum:

We know three things about intelligence. One, it’s diverse. We think about the world in all the ways that we experience it. We think visually, we think in sound, we think kinesthetically. We think in abstract terms, we think in movement. Secondly, intelligence is dynamic. If you look at the interactions of a human brain, as we heard yesterday from a number of presentations, intelligence is wonderfully interactive. The brain isn’t divided into compartments. In fact, creativity — which I define as the process of having original ideas that have value — more often than not comes about through the interaction of different disciplinary ways of seeing things…

And the third thing about intelligence is, it’s distinct.

Ken Robinson says schools kill creativity via: TED

Engin skyld færsla.

Photoree mynda leitar vefurinn

Henry — Thu, 17 Sep 2009 07:33:33 +0000

Kynntist nýverið vefnum Photoree sem er leitar þjónusta fyrir myndir í líkingu við StumbleUpon og býður manni að skrá notanda sem er útbúinn sía fyrir og á að byggja á persónulegu mati manns á myndum sem eru sóttar til þeirra af flickr og manni sýndar. Því meir sem maður metur myndir við sitt hæfi þess meir lærir sían á mat manns og sýnir manni myndir eftir því.

Skyldar færslur:

Reynsla mín af Photoree mynda leitarvefnum

Google Reader hjálpar mér að nýta betur vefstreymi áskriftir

Henry — Tue, 15 Sep 2009 06:11:04 +0000

Ég verð að lýsa yfir ánægju minni með Google Reader sem ég hef loksins komist upp á lag með að nota. Ég hef verið að prufa fjölmarga vefstreymi borðtölvu lesara í gegnum tíðina og notað einn að staðaldri sem er álitinn vera mestu eiginleikum búinn, en Google Reader virðist hafa það áhugaverða kosti að ég get í rauninni ekki annað en haldið áfram hjá þeim.

Það helsta sem hefur stuðlað að því er möguleikinn að geta fylgst með tölulegum upplýsingum um streymin sem maður er áskrifandi að. Það sem mér finnst vera lykilatriðið hérna er það að þó vefstreymi tæknin sé afar gagnleg og tímasparandi fyrir mann og gerir manni kleyft einna helst að fylgjast með uppfærðu efni á vefum á hraðvirkann og einfaldann máta, hagkvæman og jafnvel orkusparandi líka þá getur þetta engu að síður orðið of mikið og maður verið að eyða of miklum óþarfa tíma í yfirferðina og því skiptir máli að sjá til þess að draga úr flæði sem ekki er að gera nokkurn skapaðan hlut.

Það tók mig smá tíma að átta mig á því að best væri að hafa þetta þannig að renna bara yfir fyrirsagnir streymanna og spara þannig fyrirhöfnina. En fyrst var ég frekar tregur til þess þar sem fyrirsagnir segja ekki allt og maður gæti því farið á mis við áhugavert og jafnvel gott efni. En flæðið var orðið slíkt að ég óaði mér við því að hlaða þeim niður til að renna yfir þetta og því fór ég hafa þennan hátt á. En þetta var líka orðið of tímafrekt og því fór ég að fylgjast með tölulegum upplýsingum á Google Reader og kom mér það á óvart að hlutfallið milli fjölda nýrra færslna og skoðaðra gat verið mun meira en ég hafði gert mér grein fyrir.

Með því að geta séð til að mynda á Google Reader að ákveðið vefstreymi hefur haft að jafnaði tug eða jafnvel tugi færslna á dag en að maður hafi einungis skoðað, segjum tug síðustu 30 daga þá ætti maður að fara að íhuga hvort það sé þess virði að fylgjast með streyminu þar sem þetta getur verið óþarflega tímafrekt og hvimleitt að renna yfir, ekki síst ef maður er áskrifandi að fjölmörgum slíkum streymum.

Til að sýna hvernig þessar tölulegu upplýsingar líta út hjá mér á Google Reader eftir að ég hef gert hreingerningu síðustu vikurnar, þá kemur þetta svona út:

Hérna á fyrstu myndinni fyrir neðan má sjá hversu mikið af færslum í einstaka streymi ég hef lesið síðustu 30 daga og hversu hátt hlutfall það er af öllum færslum í streyminu.

Fjöldi skoðaðra færslna í streymi síðustu 30 daga og hlutfall af heildarfærslum þess.

Hversu oft einstaka streymi er uppfært og hlutfall skoðaðra.

Streymi sem eru uppfærð sjaldnast.

Engin skyld færsla.

Ræða Richard Stallman um frjálsan hugbúnað

Henry — Tue, 21 Jul 2009 21:47:32 +0000

Mér finnst ræðan sem Richard Stallman stofnandi Frjálsu hugbúnaðarsamtakanna hélt á pallborðsumræðufundi á World Summit on the Information Society (WSIS) í Túnis árið 2005 vera áhugaverð því ekki bara var hún áheyrileg heldur líka fræðandi.

Umræðan var undir heitinu Is Free/Open Source Software the Answer?

Ég hef verið að velta þessu fyrir mér um tíma og finnst merkilegt hvernig Richard gerir grein fyrir því hvað hann meini með frjálsum hugbúnaði (free software), sérstaklega þegar á honum má skiljast að þegar fólk noti frjálsan hugbúnað þá sé það ekki endilega að nýta hann frjálst. Það að vera ekki meðvitaður um frelsi sitt til að nota hugbúnaðinn frjálst á þann hátt sem leyfi frjáls hugbúnaðars segir til um megi jafna við það að gera lítið úr frelsi sínu ef ég skil þetta rétt.

Í skilgreiningu frjáls hugbúnaðars samkvæmt Richard eru tekin fram fjögur frelsi (leyfi) sem hugbúnaðurinn verður að veita til að geta fallið undir hana og eru þau:

0. Leyfi til að keyra forritið í hvaða tilgangi sem er.
1. Leyfi til að skoða hvernig forritið vinnur og breyta því eftir þörfum (aðgang að frumkóða forritsins þarf nær alltaf til þess)
2. Leyfi til að dreifa afritum af forritinu.
3. Leyfi til að breyta forritinu og bæta það, og dreifa útkomunni til annarra svo að samfélagið í heild hagnist af breytingunum (aðgang að grunnkóða forritsins þarf til þess).

Heimild skilgreiningar tekin af: Frjáls hugbúnaður á Wikipedia.
Sjá má frekari upplýsingar á vef Free Software Foundation.

En hérna er ræðan í alls tveimur myndskeiðum:

Richard Stallman, Father of the Gnu & all that is Linux pt1

Richard Stallman, Father of the Gnu & all that is Linux pt2

Engin skyld færsla.

Space Argument – Episode Eight

Henry — Sat, 30 May 2009 13:06:54 +0000

Það eru ekki allir á sama máli um hversu fyndið Space Argument frá Modern Toss sé, en fyrir mér er þetta alveg ágætt og sérstaklega þessi þáttur.

Modern Toss (TV series) á Wikipedia.

Engin skyld færsla.

Farsíma tilbúið blogg með WordPress Mobile Pack

Henry — Sat, 30 May 2009 01:59:15 +0000

Hef sett upp nýtt WordPress plugin sem heitir WordPress Mobile Pack og má finna á vef WordPress.org. Það gerir bloggið farsíma tilbúið með XHTML-MP (Mobile Profile) staðlinum. Ég hef prufað tvö önnur en þetta er mun betra. Það er gefið út af dotMobi sem eiga mikið undir sér í þessum efnum og hafa þeir sem hafa hannað þetta plugin lagt mjög mikið í það.

Það sýnir ekki bara sérstakt snið fyrir gesti sem koma inn á bloggið með farsíma búnaði heldur getur bloggari haft umsjón með blogginu og samið nýja færslu með slíkum búnaði. Það eru síðan margir góðir stillingar möguleikar sem eru í boði sem ég hef ekki séð í öðrum sem ég hef notað. Það má sjá nánari lýsingu og skjáskot í greininni The dotMobi WordPress Mobile Pack á einum undirvefnum hjá þeim.

Ég mæli sérstaklega með þessu plugin og líka því að áhugasamir sem hafa ekki þegar kynnt sér þennan aðila fari á vef hans og kynni sér starfsemi hans því vefurinn hjá þeim er stór með mörgum öðrum undirvefum eins og mobiReady sem er tól til að meta hversu mikið vefur sé tilbúinn fyrir farsíma búnað.

Það má síðan bæta við að þeir sem eru að nota Firefox geta bætt vinsælli viðbót við hann sem heitir User Agent Switcher sem gerir manni kleyft að skipta um aðgangsbúnað vafrans eins og farsíma í stað borðtölvu eða annarskonar vafra. Þetta kemur sér einkar vel þegar maður vill skoða hvernig vefur manns er að virka með farsíma.

Engin skyld færsla.

Hef uppfært bloggið í WordPress 2.8

Henry — Thu, 28 May 2009 04:12:44 +0000

Hef uppfært bloggið í WordPress 2.8 Beta 2 útgáfuna núna í kvöld og gekk það vel. Útgáfan sem er á undan og er 2.7 hefur reynst mjög vel síðan hún kom í desember og hefur verið þörf á aðeins einni minniháttar uppfærslu síðan. Sú útgáfa kom með umtalsverðum betrumbætingum og breytingum á viðmóti og útliti stjórnborðs. 2.8 útgáfan sem er að fara að koma úr beta stigi er líka með umtalsverðum betrumbætingum þó minna beri á þeim viðmótslegu í þetta sinn.

Meðal helstu breytinga má nefna:

Nýtt widget API
Nýtt widget viðmót í stjórnborði
Litun skipana og aðgerðaleit innbygð í plugin og þemu ritla
Skoða þemu safnið á vef WordPress og setja upp þemu í gegnum stjórnborðið
Hraðari hleðsla á síðum stjórnborðs
betrumbætt hleðsla á JavaScript

Það má sjá yfirlit yfir breytingarnar fyrir WordPress 2.8 á WordPress Codex.

Ein af helstu breytingum í 2.8 er sú að geta fundið nýtt þema á vef WordPress beint í stjórnborðinu og sett upp. Eins og sjá má á myndinni fyrir neðan þá getur maður valið þemu með því að sía eftir ákveðnum sérkennum. Þetta á að auðvelda notendum að finna og setja upp þemu án þess að þurfa að nota FTP skráarflutning frá tölvu manns til vefþjóns þar sem vefurinn er hýstur. Það má minna á að sambærileg nýjung var kynnt í 2.7 útgáfunni fyrir plugin.

Það hefur líka orðið mikil breyting á widget umsjónarhlutanum og er þetta orðið þægilegra. Til að mynda þá eru widget sem hafa verið notuð áður geymd í sérhluta óháð öðrum notuðum. Maður getur valið að draga widget þaðan og nota eða eyða. Þetta er sérstaklega þægilegt ef maður hefur til að mynda gamalt teksta widget sem hefur teksta eða kóða í og maður vill nota á ný.

Engin skyld færsla.