Hef sett upp nýja ruslpóstvörn á blogginu og er það WordPress pluginið WP-SpamFree. Ég hef notað tvær aðrar ruslpóstvarnir á blogginu en þetta er það sem ég þarf og kemur langbest út, ekki síst fyrir gesti.
Þegar ég byrjaði að blogga hérna þá notaði ég spamvörnina Akismet en hún hefur reynst stjórnendum blogga góð. Ég gat fengið marga tugi ruslathugasemda í hverjum mánuði og fóru þær sjálfvirkt í sérstakt hólf fyrir Akismet. Mér fannst dálítið truflandi að hafa þetta i stjórnborðinu, það að sjá alltaf uppfærðan fjölda ruslathugasemda í Akismet hólfinu sem maður gæti síðan þurft að líta á til að ganga úr skugga um hvort eitthvað væri um false positives. En ég hætti síðan með það og fór að nota reCaptcha vörnina í staðinn og þurfti því ekki að hafa áhyggjur af því að verða var við þetta í stjórnborðinu. reCaptcha er góð en lesendur sem koma með athugasemdir þurfa hinsvegar að fylla út í CAPTCHA og getur það verið hvimleitt fyrir suma.
Um daginn fór ég allt í einu að fá ruslpóst í gegn og kom mér það á óvart þar sem reCaptcha vörnin hafði hingað til dugað mjög vel. Ég hugsaði því málið aðeins og ákvað því að hætta með hana og prufa WP-SpamFree ruslpóstvörnina sem er mjög öflug og er verið að nota á mörgum bloggum. Mér finnst sniðugt að nota WP-SpamFree því lesendur sem koma með athugasemdir þurfa ekki að fylla út í neitt CAPTCHA eða neinar spurningaþrautir. Eins er innbyggð trackback og pingback spam vörn í WP-SpamFree.
Mest allt spam á bloggum kemur frá bottum. Fáir af þeim geta unnið úr JavaScript, og vafra kökum. WP-SpamFree síar út manneskjur frá spambottum út frá aðallega þessu og er sagt geta varnað 99%+ af sjálfvirkum ruslpósti að berast inn á blogg. Nær allir gestir inn á vef hafa JavaScript og kökur virkt í vafranum svo þetta á að hafa áhrif á lítið brot af manneskjum sem vilja koma með athugasemdir. Mér skilst að þeir sem hafa ekki þetta virkt í vafranum verði beðnir um að breyta stillingum vafrans til að geta komið með athugasemdir.
Athugasemd (17. sept. 2009):Þetta er fín ruslpóstvörn sem hefur enn ekki hleypt neinum ruslpósti í gegn. Get síðan séð hversu mikið spam hafi verið komið í veg fyrir og er það nokkur hundruð frá því í desember.
Ég hafði heyrt um Apture fyrir allnokkru síðan en Apture á að breyta texta á vefsíðu í margmiðlunnar upplifun. Ég skráði mig hjá þeim þar sem mér fannst Apture mjög sniðugt. En ég hafði í raun ekki notað þjónustuna sem þeir veita útgefendum á vefnum fyrr en í nótt þegar ég sá akkúrat þörfina fyrir það.
Ég var einmitt að semja færslu í nótt og í færslunni var hugtak sem kom fyrir og er kannski ekki alveg skiljanlegt fyrir alla. Án þess að vilja fara út fyrir umræðuefnið þá vildi ég samt gera betur grein fyrir hugtakinu og mundi þá eftir Apture. Með því að nota plugin frá þeim gat ég lýst upp orðið í birtri færslunni og þá kom upp um leið lítill gluggi með allskyns upplýsingum tengdum orðinu og valdi ég það sem var mest viðeigandi fyrir hugtakið í færslunni eða Wikipedia grein sem var hægt að tengja við orðið og varð þá að tengli. Þegar lesandi síðan beinir músarbendlinum að tenglinum þá kemur strax upp lítill gluggi með inngangi að Wikipedia greininni og áframhaldi í sama glugga ef maður vill.
Apture styður innihald á vefnum eins og myndir, skjöl, hljóð, video, greinar, upplýsingar um kvikmynd, vörulýsingu, tónlist og podcast. Apture passar fyrir flesta útgáfu vetvanga og var mjög einfalt að setja upp á WordPress sem þetta blogg er keyrt á. Margir fjölsóttir vefir eru að nota þessa þjónustu eins og Washingtonpost.com
Hérna má sjá á vef Apture hvernig þetta getur virkað.
NewScientist segir frá því á vef sínum í greinini ‘Search for alien engineering comes up dry – so far‘ að leitin að ‘Dyson spheres’ hafi enn ekki fundið neina sannfærandi kandidata innan 1000 ljósára frá Jörð en sumir segi að horfurnar á að finna þessi mannvirki séu þó að verða bjartari.
Risamannvirkið Dyson sphere byggir á hugmynd eðlisfræðingsins og stjarnfræðingsins Freeman Dyson. Slíkt hvel myndi vera kerfi sólar orku gerfihnatta sem væru á sporbaug um stjörnu og myndu umlykja hana algjörlega og fanga mest alla eða alla orku framleiðslu hennar. Taldi hann að slík mannvirki væru rökrétt afleiðing af langtíma lífsakomu og vaxandi orkuþarfar tæknilegrar siðmenningar og velti því fram að leitin að sönnuninni fyrir slíkum mannvirkjum gæti leitt til þess að fundnar yrðu þróaðar vitsmunalegar utanjarðarverur.
Í ár kynnti klíníski sálfræðingurinn Tanya Byron, BBC heimildaþáttinn “Am I normal?” þar sem hún kannar mörk ásættanlegrar hegðunnar, hvað samfélagið kalli ‘eðlilegt’ og hver sé skaðinn í að víkja frá því normi. Þátturinn er í fjórum hlutum, og í þeim þriðja undir heitinu Am I Normal? – Spirituality sem sjá má í þessari færslu tekur hún fyrir það sem sumir telja vera hárfína línu milli trúrækni og geðrænna sjúkdóma. Þar ræðir hún meðal annars við fólk sem heyrir raddir og fólk sem talar í tungum og eins nunnur, trúaða, trúlausa, sálfræðinga og aðra sérfræðinga. Í þættinum fylgist hún meðal annars með því þegar maður sem talar í tungum er settur í heilaskönnun og var það nokkuð athyglisvert.
The Adventure of the Final Problem er stutt saga eftir Arthur Conan Doyle með sjálfum Sherlock Holmes í aðalhlutverki og var fyrst gefinn út í Strand Magazine 1893. Sagan sem gerist árið 1891 kynnir til sögunnar mesta fjandmann Holmes, Professor Moriarty sem er víða talinn vera fyrsta sanna fyrirmynd ofurkrimmans. Holmes er látinn lýsa Moriarty sem “Napoleon glæpa”.
Hérna er myndskeið þar sem þeir tveir eru sýndir eigast við. Þarna er Holmes leikinn af Jeremy Brett og Moriarty af Eric Porter í The Final Problem sem var hluti í röð sjónvarpsþátta um Sherlock Holmes sem Granada Television sýndi frá 1984 fram til 1994.
Það er hvergi betra að lifa en á vesturlöndum, almenn velmegun er svo mikil að megnið af borgurunum eru ofhlaðnir all kyns dýrindis lystisemdum og það í svo miklum mæli að velmegunnarsjúkdómar eru greinanlegir innan læknisfræðinnar. Borgararnir í þessum heimshluta búa við mesta öryggið og skilyrði sem vart þekkist annarstaðar eins og hið dásamaða sýndarlýðræði sem pólitíkur eru iðnar við að þröngva upp á minna settari lýði í hálfnýlendum sínum út um víðan völl nema í öflugari ríkjum eins og Rússlandi og Kína, þyrnum í augum vesturveldanna.
Já það er gott að búa í þessum heimshluta, meira að segja hálfhálfhálfhálf nýlendan Ísland er svo frjáls og auðug að okkur er boðið að taka þátt í veisluborði alsnægta með samningum og samstarfi Jafetsafkomenda og sýna mátt og velmegun okkar frammi fyrir alsnægtakrinum hvar sem því er hægt að koma við með góðu eða illu. Þannig er Ísland liður í herramaktinu og við erum stöðugt að færa okkur upp á skaftið í þeim efnum, sveitavargarnir meðal þjóða sem eru okkur mun reynsluríkari í að plægja akurinn þar sem því er hægt að koma við eða verður að gera það ef herraþjóðirnar eiga að komast af.
Þrátt fyrir alla þessa velsæld og góðríki okkar herraþjóðanna þá er mér stundum óglatt meðfram því að finna til smá bits á samvisku. Ég held að fleiri en ég séu í sömu sporum, ég vona það allavega.
Svo djúpt bítur þetta mig að ég er haldinn pólitískum ranghugmyndum og er jafnvel þunggeðja vegna alls þessa. Þá á ég það til að snúast á sveif með erkifjendum herraþjóðanna sem eru í mikilli uppsiglingu, svo mikilli að hætta steðjar að þeim bæði innanfrá og jafnframt utanfrá frá herraþjóðunum sem þrá ekkert heitar en að ryðja veginn fyrir sýndarlýðræðið og sýndargóðvildina svo hlutirnir gangi snurðulaust fyrir sig og aðdrættir frá akurlendum séu sem mest greiðir og öryggir með góðu eða illu.
Stundum er ég svo þungt haldinn af þunglyndinu að ég bókstaflega hata herraþjóðirnar og vil þeim allt illt þó það gæti kostað mig lífið enda veit ég að illviðrisskýin hrannast upp yfir Evrópu og að það muni slá til brýnu milli fornra bræðra. Mér líður svo illa af hatri að ég glotti af.
Þetta er eins og illkynja æxli þetta sálarmein að það er ekki hægt að eiga við þetta með góðu móti, eins lengi og lækningin er ekki til staðar hjá yfirþjóðunum sem geta læknað það mesta nema eigin hroka, yfirgang og tvöfeldni.
Það er hægt að nota WordPress blogg hugbúnaðinn sem efnisstjórnunnarkerfi (CMS) á einfaldan hátt og finnast plugin og þemu sem eiga að auðvelda manni að koma upp vef í þessum tilgangi. Eitt slíkt er hágæða þemað Video frá Quommunication sem gerir manni kleyft að setja inn á og deila myndböndum á vef og skapa netsamfélag í kringum myndbönd og er hægt að nálgast það gegn greiðslu.
Í gær hleypti Google af stokkunum Google Elections Video Search gadget sem má bæta við á heimasíðu manns á iGoogle en það gerir manni kleyft að leita að ákveðnum orðum í myndböndum með forsetaframbjóðendunum í Bandaríkjunum. Það virkar þannig að þegar leitarniðurstöðurnar hafa birst þá getur maður valið úr myndböndum og sést þá í glugga með myndbandi gul merki sem eiga að sýna hvar í tímarásinni orðin koma fyrir.
Tal teymi Google sem er hluti af Google Research stendur á bak við þróun þessarar tækni. Talkennsl er erfitt að eiga við og því má gera ráð fyrir að þetta sé ekki 100% nákvæmt en það mun breytast með tímanum eftir því sem Google betrumbætir algrímanna.
Einn af þeim sjónvarpsþáttum sem mér hefur líkað sérlega vel við var röð sjónvarpsþátta frá Granada Televison um Sherlock Holmes sem gerðir voru frá 1984-1994 og voru sýndir hér á landi meðal annars.
Þættirnir komu í nokkrum þáttaröðum og voru nefndir í réttri tímaröð: The Adventures of Sherlock Holmes, The Return of Sherlock Holmes, The Case-Book of Sherlock Holmes, The Memoirs of Sherlock Holmes.
Í þeim lék Jeremy Brett sjálfan Sherlock Holmes og er hann best þekktur á 40 ára leikæfi sinni fyrir þetta hlutverk. Hann sýndi góða frammistöðu í hlutverkinu og er talinn af sumum hafa túlkað Sherlock best af öllum. Í New York Times var skrifað að Brett hafi verið álitinn hin fullkomna ímynd Holmes:
“breathtakingly analytical, given to outrageous disguises and the blackest moods and relentless in his enthusiasm for solving the most intricate crimes.” New York Times, September 14, 1995, p. B15
Jeremy Brett féll frá árið 1995 vegna hjartabilunnar.
Hérna er myndskeið frá einum af þættinum sem mér skilst að sé The Naval Treaty frá 1984 og er gerð eftir sögunni The Adventure of the Naval Treaty.
Þegar jarðarbúar ganga út frá því að aðrar vitsmunalegar verur á öðrum hnöttum gætu verið til og að þær gætu verið tæknilega lengra komnar en við, þá finnst mér eins og fólk telji það vera eina muninn. En telja má að tæknileg þróun geti fylgt að þeirri samfélagslegu og því eru meiri líkur á að tæknilega lengra komnar utanjarðarverur af þekkjanlegum mannlegum toga geti verið gæddar menningarlegri göfgi í ríkum mæli.
Mennirnir eins og við höfum þekkt þá virðast vera afar stutt komnir á þróunarbrautinni og tækni þeirra sem er nýtt í hinum almenna geira sömuleiðis afar stutt komin. Það má alveg eins gera ráð fyrir að bilið á milli okkar og sumra “nálægra” utanjarðavera megi reikna í hundruð þúsundum ára ef ekki milljónum ára, en þetta er sennilega afstætt milli skeiða enda er hugsanlegt að þróunar ferlið geti verið svo flókið að það geti rúmað ólíkar myndir af sérhverri “vitsmunalegri” tegund á aðskildum tíma og tegundin geti jafnvel gengið skeið sem geti verið óþekkt fyrir þeim næstu á eftir innan hennar.
Afbrigði einstakrar tegundar sem er óþekkt fyrir þeim næstu á eftir gæti síðan vel hugsanlega hafa náð stigi sem er öllu flóknara og tæknilegra en næstu afbrigði þekkja og nýta. Þetta getur verið tilfellið með Jörð og eins og ég sagði þá getur þetta semsagt verið afstætt, það er að segja siðmenningar stigið í tilfelli hverrar plánetu fyrir sig.
En það er hinsvegar spurning hvers konar ferli sé um að ræða og hvers konar þróun. Þetta er allavega það margbrotið og mjög svo flókið ferli að varla er hægt að gera sér grein fyrir tilgangi þess jafnvel þó stærri mynd af því væri fyrir í huga manns.
Einn af þeim sjónvarpsþáttum sem mér hefur líkað sérlega vel við var röð sjónvarpsþátta frá Granada Televison um Sherlock Holmes sem gerðir voru frá 1984-1994 og voru sýndir hér á landi meðal annars.