Með þessari viðbót þá getur maður látið fela athugasemdir sem:

• Hafa ákveðinn fjölda stafsetningarvillna
• Hafa ekki neina hástafi
• Hafa einungis hástafi
• Byrja ekki á stórum staf
• Hafa of mörg greinarmerki (!!!!! ?????)
• Hafa óhóflega hástafi
• Hafa blótsyrði

Þegar maður síðan les athugasemdir á YouTube þá sér maður að sumar athugasemdir eru gráleitar og teksti hefur verið fjarlægður og annar settur í staðinn eins og: Comment hidden (Excessive punctuation.)

Ég prufaði þetta við eitt frétta myndband um Obama og af 42 athugasemdum höfðu 20 verið faldar.

Hlutfall allra Mozilla/Firefox vafra á vefnum á fyrsta ársfjórðungi þessa árs taldist vera 15.87% sem gerir Mozilla vafrann þann næst útbreiddasta á netinu á eftir Internet Explorer sem var með 78.80% á sama tímabili. Hlutfall Mozilla hefur aukist stórlega síðustu ár meðan hlutfall Internet Explorers virðist vera á niðurleið samkvæmt the counter.com.

Internet Explorer hefur náð yfirburða stöðu á vefnum í krafti þess að vafrinn hefur fylgt með lang útbreiddasta stýrikerfinu en ekki vegna þess að hann sé eitthvað betri en aðrir vafrar. Sú eða sá sem notar einungis þennan vafra veit sennilega ekki af því að það finnast aðrir sem eru mun betri, eða hreinlega nennir ekki að skipta yfir í annan af gömlum vana. Ég geri ráð fyrir því að hlutfall þeirra af IE notendum er umtalsvert. En þetta er að breytast eftir því sem fólk fær meiri upplýsingar á netinu úr tölvutækniheiminum enda er þar að finna upplýsingar sem sýna að IE er á eftir öðrum vöfrum þegar kemur að veftækni og hefur ekki nærri því eins gott notendaviðmót og möguleika og aðrir vafrar sem eru hvað mest notaðir.

Það hefur verið hamrað á því að IE væri minna öruggari á netinu en aðrir mikið notaðir vafrar. Mikið af tölvuóværum á netinu eru einmitt gerð möguleg með því að nýta galla í hönnun IE og eins með því að setja inn ActiveX tengdar íbætur (add-ons) sem reynast síðan gerðar til að nýta tölvuna í vafasömum tilgangi. Microsoft hefur síðan verið álasað fyrir að bregðast ekki nógu fljótt við og plástrað öruggisveilurnar. Elsta óplástraða veilan í IE 7 er frá því 2006. Aðrir samkeppnisaðilar eru þekktir fyrir að bregðast miklu fljótar við.

Staðlar

Það eru til margir vefstaðlar sem er hægt að nota á netinu. Síðustu ár hefur hugtakið vefstaðlar meir og meir verið bundið við að leitast eftir því að koma á stöðluðum praxís í hönnun vefsíðna. Vafrar voru heldur ekki hannaðir fyrir alla staðla. Áður fyrr þurftu vefhönnuðir að sníða vefi fyrir marga vafra. þetta er að verða minna og minna af í dag eftir því sem vafrar eru hannaðir meir og meir til að fylgja viðurkenndum alþjóðlegum stöðlum.

Internet Explorer hefur haft það orð á sér að hafa ekki fylgt nægilega eftir stöðlum. Það eru aðrir vafrar sem styðja mun fleiri staðla.

Á Wikipedia má til að mynda sjá yfirlit yfir ýmsa vafra og hvaða tækni og staðla þeir styðja. Mér sýnist IE ekki koma sérlega vel út miðað við marga aðra eins og Opera sem virðist styðja flesta staðlanna.

Opera er talinn vera besti vafrinn og er sagður vera sá hraðvirkasti. Hann er líka búinn mörgu af því sem aðrir vafrar hafa ekki og munu sennilega ekki vera með á næstunni allavega. Hann er líka sagður sá öruggasti miðað við þá stærstu. 9 útgáfan af Opera er til að mynda ekki með neina þekktar öryggisveilur eins og hinir vafrarnir. Hérna má til að mynda sjá að Opera 9 hefur engar veilur óplástraðar sem Secunia hefur fundið en það fann 14.

Varðandi staðla þá er hægt að sjá samanburð á því hversu mikið fjórir vinsælir vafrar styðja af helstu vefstöðlum. Þarna eru ekki nýju Firefox 3 og Opera 9.5 vafrarnir með inn í dæminu eins og stendur. Það er hægt að sjá styttra yfirlit hérna.

1. Adblock ættu flestir Firefox notendur að þekkja. Þessi áauki hefur reynst mér vel. Ég er ekki á móti auglýsingum á netinu en varð að grípta til þessa ráðs þar sem mátinn að auglýsa á vefjum er orðinn yfirgengilegur síðustu ár og takmarkar rosalega notandavænleika vefja og þá ég við allar þessar hopp og skopp auglýsingar sem jafnvel geta fylgt manni við hvert músa skrun, þetta læt ég ekki bjóða mér og er ég frekar að gera vefeigendum greiða með þessu frekar en að flýja vefinn. Ég held líka að flogaveikir geti haft gagn af Adblock og svipuðum áaukum. Það eru bara fáir vefeigendur sem gera sér grein fyrir alvarleika þessa og dempa flash auglýsingar eins og hægt er, halda þeim í slíku lágmarki að hægt sé að lesa vefinn þrátt fyrir að flash sé notað. Aðrir eru bara með óþroska vefumhverfi og láta notendur líða fyrir.

Adblock Plus er reyndar meira vinsælla en ég kann best við Adblock.

2. MeasureIt er mælistika til að mæla síður út eða hluta af þeim sem er gagnlegt fyrir vefstjóra eða þá sem hafa vefi til að setja efni inn á og þurfa að gera sér grein fyrir stærðarhlutföllum svo hægt sé að finna út hvort og hvernig efni passi inn á vefinn. Ég nota MeasureIt oft á dag.

3. Sage er RSS og Atom feed aggregator viðauki og hjálpar manni að fylgjast með uppfærðum vefum án þess að maður þurfi að sækja þá til að athuga með þá.

4. Greasemonkey leyfir manni að sérsníða nokkuð hvernig vefur birtist með hjálp JavaScript. Hundruðir scripta fyrir einstaka vefi er hægt að nota með því að sækja þá á sérstökum vef og setja inn í Greasemonkey. Það er líka hægt að búa til sín eigin script.

5. Scrapbook er hægt að nota til að vista síður eða hluta af þeim. Ágætt þegar maður vill afrita teksta án neins vesen.

6. Icelandic dictionary nota ég dálítið og hefur reynst mér vel við að leiðrétta mig.

7. GA? leyfir manni að sjá hvort Google Analytics sé notað á vefi. Þá er lítil mynd í statusbarnum sem verður lituð ef svo sé. Ef maður hefur ekki þennan áauka þá er alltaf hægt að athuga source fyrir síðuna og sjá það venjulega neðarlega.

Ég er sjálfur að nota Google Analytics á þessum vef og geri ég ráð fyrir að ég muni deila þeim upplýsingum með mér á reglulegum fresti og fyrst sennilega með sumrinu.

8. Configuration mania er ekki beinlínis mjög gagnlegt en getur verið það fyrir þann sem vill hafa meiri stjórn á stillingum sem venjulega eru faldar í Firefox og maður getur þurft að leita dálítið eftir undir húddinu.

9. YSlow greinir vefsíðu og segir manni til um frammistöðu hennar.

Ég tók eftir því að það tók 9.795 sékúntur að hlaða niður forsíðu þessa bloggs.

* Performance report card
* HTTP/HTML summary
* List of components in the page
* Tools including JSLint

Maður þarf að hafa Firebug sett upp til að geta notað YSlow.