Realityum » Google

Google kominn með iGoogle gadget fyrir leit að orðum í myndböndum með bandarísku forsetaframbjóðendunum

Henry — Tue, 15 Jul 2008 16:23:49 +0000

Google netkerfið er orðið vinsælt fyrir tölvuþrjóta

Henry — Fri, 27 Jun 2008 06:45:17 +0000

Samkvæmt neytendasamtökunum Stopbadware.org er Google meðal fimm netkerfa í heiminum sem hýsir flesta hættulega vefi.

Google sjálft er bakhjarl Stopbadware.org og hefur sjálft lagt fram óunnin gögn sem Stopbadware.org hefur greint.

Skýringuna á því afhverju Google er svona áberandi á þessum lista er sú að svindlarar og aðrir glæpamenn á netinu hafa notfært sér bloggþjónustuna Blogger eða Blogspot sem Google er með og látið hýsa óværutengdar vefsíður samkvæmt tölvu öryggis sérfræðingum. Í maí var Google að hýsa 4,261 smitaða vefi. Hin fjögur netkerfin efst á listanum eru staðsett í Kína og leiðir China Telecom netkerfið listann með 48,834 smitaða vefi.

Í viðtali við PC World segir Maxim Weinstein stjóri Stopbadware.org að Google sé orðið mjög aggressívt í að láta til skarar skríða gegn badware.

Heimild: PC World

Ég var á Google myndaleitarsíðunni í gærkvöldi og smellti á eina mynd sem ég vildi skoða. En þá fékk ég í staðinn síðu frá Google með aðvörun sem var þessi (smellið til að fá myndina stærri):

Google Health er opinn núna fyrir almenning

Henry — Tue, 20 May 2008 21:59:07 +0000

Íbúum Bandaríkjanna 18 ára að aldri eða eldri býðst nú spennandi möguleiki á að hafa auðveldari aðgang að sjúkraskrám sínum og öðrum heilsutengdum upplýsingum með Google Health sem er búinn að vera í burðarliðnum í nokkurn tíma en er búið að opna fyrir almenning fyrst nú í vikunni.

Ef maður býr í Bandaríkjunum þá getur maður notað Google notanda reikning til að skrá sig og snýst þessi þjónusta í meginatriðum um:

Að koma sér upp eigin heilsu prófíl á vefnum
Hlaða niður sjúkraskrám frá læknum og apótekum
Fræðast um heilsumál og finna hjálplegt efni
Tengjast nettengdum tólum og þjónustum
Leita að læknum og og spítölum

Upplýsingum sem maður hefur aðgang að er síðan hægt að deila með læknum til að auðvelda yfirsýn þeirra. Upplýsingarnar eiga að sjálfsögðu að vera geymdar á öruggan hátt hjá Google og ekki seldar.

Sá sem býr í Bandaríkjunum og vill nota Google Health getur fært í prófíl sinn heilsu sína, lyf, ofnæmi og niðurstöður rannsókna og jafnvel að gera prófíla fyrir aðra fjölskyldmeðlimi.

Það á að vera hægt að flytja inn sjúkraskrár frá spítölum og apótekum sem eru Google Health partners.

Þetta er ennþá á beta stigi og er þjónustan enn ekki orðin almennilega virk eftir sem ég best veit.

Þetta er auðvitað spennandi þjónusta og er sennilega framtíðin eftir því sem fleira og fleira í lífi okkar færist á netið og verður meira aðgengilegra. Kannski verður Google Health eða önnur sambærileg þjónusta aðgengileg á Íslandi innan nokkurra ára.