Ég hef heyrt þetta áður, en þessi frétt fannst mér meira en traustvekjandi.

Samkvæmt fréttinni þá eru fulltrúar CIA sagðir vera að aðstoða stjórnarandstöðu uppreisnarheri meðal ýmissa þjóðernislegra minnihlutahópa.

Þetta er sagt umdeilt þar sem CIA sé í raun að eiga við hópa sem grípa til hryðjuverkaaðferða sem beinast gegn Írönsku stjórninni.

Blaðið segir að það hafi rætt við menn sem segjast kunnugir þessu og nefnir háttsettan fyrrverandi CIA fulltrúa og annan sem er fyrrum fulltrúi hjá Bandaríska utanríkisráðuneytinu.

Bandaríkin hafa neitað því opinberlega að eiga þátt í slíku en Teheran hefur lengi haldið því fram að hafa orðið vart við ummerki eftir bæði Bandaríkin og Bretland í árásum skæruliða hópa á öryggissveitir sínar.

John Pike yfirmaður áhrifamikils sérfæðingahóps í Washington sagði eftirfarandi:

“The activities of the ethnic groups have hotted up over the last two years and it would be a scandal if that was not at least in part the result of CIA activity.”

Ef þetta er rétt og ég hef trú á því að svo sé, þá vil ég slá því föstu að málin ganga alltaf fyrir sig svona. Stofnanir ríkja hafa alltaf verið með undirróðurstarfsemi í óvinaríkjum eða önnur svipuð umsvif sem hafa þann tilgang að grafa undan fjandsamlegum stjórnvöldum eða koma höggi á þau.

Getur það talist réttlætanlegt að ríki eins og Bandaríkin séu að væna önnur ríki um að vera gera það sama?

Olíu auðlindir Írans eru áætlaðar vera 133 milljarðar tunna og er talið duga Írönum í minna en hundrað ár. Íranar vilja nýta olíuna í framleiðslu og til útflutnings sem gefur mikið af sér í stað raforkuframleiðslu auk þess sem þörf er á því að draga úr mikilli mengun enda er nýting olíu og gas til raforkuframleiðslu ekki laus við mengun. Ennfremur eykst orkuþörf Írana stöðugt og hraðar en þeir geta mætt eða um 8% árlega og raforkuframleiðsla þeirra verður að þrefaldast næstu 15 árin til að mæta áætlaðri þörf. Næstum 40% af hráolíu Írans fer til notkunnar innnanlands. Ef þetta hlutfall eykst þá dregur úr olíutekjum Írans og þar með hagvexti.

Á sínum tíma þegar keisarinn sat að völdum í Íran, studdu Bandaríkjamenn við kjarnorkuáætlun Írans sem miðaði að raforkuframleiðslu. Það var á þeim tíma talið hugsanlegt að Íranar myndu nýta kjarnorkuna í hernaðarmiði en það virtist ekki hamla samstarfi þeirra. Nú hinsvegar er sagan önnur eftir að gerð var bylting árið 1979 og konungsveldinu breytt í íslamskt lýðveldi.