Realityum » Kjarnorka

Google Map mashup sýnir radíus varmaeyðileggingar af völdum kjarnorku sprengju

Henry — Tue, 23 Dec 2008 02:55:30 +0000

Nýtt Google Maps mashup sem kallast Ground Zero sýnir manni radíus varmaeyðileggingar sem hlýst af sprengingu kjarnorku sprengju. Myndin að neðan sýnir á hversu stóru svæði Bandaríska 340kt B61 sprengjan gæti valdið eyðileggingu og skemmdum á höfuðborgarsvæðinu.

Þetta sjóngervingartól kemur frá Ástralska fyrirtækinu Carlos Labs og virðist það hafa notað sömu eða samskonar gögn og Federation of American Scientists. FAS skrifar að flest allar byggingar innan innri hringsins myndu gjöreyðileggjast. Næsti hringur myndi vera fullur elda og í þeim ytri myndu verða stórskemmdir af völdum höggbylgjunnar.

Project Orion - tilraunaverkefnið sem átti að leyfa mönnunum að ferðast milli plánetna með hjálp kjarnorku

Henry — Tue, 26 Feb 2008 03:49:47 +0000

Ég kom niður á ágætis myndband þar sem sýnt er nokkurn veginn hvernig ein tegund kjarnorkuknúins geimskips hefði verið.

Það var í gangi tilraunir á sínum tíma sem gekk undir nafninu Project Orion og var athugun á möguleikanum á að knýja geimför með nuclear pulse propulsion og átti að miða að því að finna ódýran og hakvæman kost til að ferðast á milli plánetna. Þetta verkefni átt að hafa hafist árið 1958 en missti stuðning yfirvalda vegna mengunnar sem myndi hljótast af slíku og er talið hafa lokið nokkrum árum seinna.

Það var gert ráð fyrir því að kjarnorku sprengjum yrði varpað frá bakendi skipsins og sprengd nokkrum tuga metra frá og þannig myndi skipið verða fyrir miklum þrýstingi sem myndi knýja það áfram. Afköstin voru talinn geta orðið mikil allalvega í samanburði við aðra tækni sem er nýtt í dag til geimferða.

Í hönnun skipanna kemur eins staðar fyrir að gert hafi verið ráð fyrir því að ummál skipanna gæti verið frá 17 metrum og upp í 400 metra, og 300 tonn og upp í 8,000,000 tonn að þyngd og geta borið allt upp í 1080 sprengjur.

Það má lesa betur um þetta á Wikipedia eða hérna.

Hérna er myndbandið sem ég kom niður og sýnir þetta nokkurn veginn.

Réttur Írana til að nýta auðlindir sínar á hagkvæman hátt

Henry — Sun, 02 Sep 2007 01:37:06 +0000

Ég lít frekar jákvæðum augum á það að Íranar þrói kjarnorkutækni og horfi því spenntur eftir framvindu þessa máls. Íranar eiga að hafa sjálfsákvörðunnarrétt í þessu máli enda er orkuframleiðsla þjóðar eitt af grundvallarstoðum hennar í nútímanum og því henni mikilvæg til afkomu og áframhaldandi þróunnar.

Olíu auðlindir Írans eru áætlaðar vera 133 milljarðar tunna og er talið duga Írönum í minna en hundrað ár. Íranar vilja nýta olíuna í framleiðslu og til útflutnings sem gefur mikið af sér í stað raforkuframleiðslu auk þess sem þörf er á því að draga úr mikilli mengun enda er nýting olíu og gas til raforkuframleiðslu ekki laus við mengun. Ennfremur eykst orkuþörf Írana stöðugt og hraðar en þeir geta mætt eða um 8% árlega og raforkuframleiðsla þeirra verður að þrefaldast næstu 15 árin til að mæta áætlaðri þörf. Næstum 40% af hráolíu Írans fer til notkunnar innnanlands. Ef þetta hlutfall eykst þá dregur úr olíutekjum Írans og þar með hagvexti.

Á sínum tíma þegar keisarinn sat að völdum í Íran, studdu Bandaríkjamenn við kjarnorkuáætlun Írans sem miðaði að raforkuframleiðslu. Það var á þeim tíma talið hugsanlegt að Íranar myndu nýta kjarnorkuna í hernaðarmiði en það virtist ekki hamla samstarfi þeirra. Nú hinsvegar er sagan önnur eftir að gerð var bylting árið 1979 og konungsveldinu breytt í íslamskt lýðveldi.