Almennt séð þá hefur Týpa I siðmenning meistrað auðlindir heimaplánetu sinnar, Týpa II síns sólkerfis, og Týpa III stjörnuþoku sinnar. Yfirstandandi siðmenning jarðar er álitin hafa Kardashev gildi í kringum 0.7 og hefur því enn ekki komist á Týpu I stigið. Það geta verið allt að nokkrar aldir ef ekki margar í það ef ég á að
leggja réttan skilning í það hvað mannkyn muni geta meistrað auðlindir sínar fljótt miðað við núverandi nýtanlega orku og hversu hratt orkunýtingu hefur miðað áfram. Kannski er tíminn styttri. Það er talið að jarðarbúar gætu síðan náð Týpu II siðmenningu efir nokkur þúsund ár.

Kennilegi eðlisfræðingurinn Dr. Michio Kaku hefur nefnt í einu riti sínu Týpu IV siðmenningu sem gæti virkjað orkuauðlindir eins og hulduorku sem er tegund orku byggð á tilgátu og á að fyrirfinnast í öllum geimnum. Jafnvel Týpa V siðmenning hefur verið nefnd og gæti þá hugsanlega meistrað allan alheiminn.

Þó þetta sé einungis á hugmyndafræðilega sviðinu þá er þetta athyglisvert og gæti rennt enn meiri stoðum undir hvað siðmenningar út í hinum víða alheimi eru fær um að afreka og geta staðið jarðarbúum ólýsanlega framar.

Ef ég á að leyfa ímyndunaraflinu að taka við í augnablikinu, þá er hægt að ímynda sér að það séu efnislegar verur í öllum hinum víðfeðma alheimi og alheiminum sem eru svo langt kominn að sjálfur alheimurinn sem við erum hluti af væri einungis lítið brot af því sem væri af áhuga fyrir þeim ef það væri þá nokkuð. Að þær jafnvel væru að mestu leyti ef ekki öllu staðsettar í öðrum víddum en gætu vitjað okkar alheims í rannsóknarskyni og jafnvel sem verndarar eða umsjónarmenn til að stýra ferli alheimssiðmenninganna.

Þær koma örugglega einhverjar af þeim nálægt málefnum þessa sólkerfis, allavega eru aðrar verur þeim lægri og jafnvel sem undirverktakar þeirra sem gera það nú þegar. Það eru margar utanjarðarverur sem koma að málum jarðar og hafa gert allan tímann svo að segja og verða þær að teljast mönnunum miklu fremri hvað siðmenningu varðar. Það má líka gera ráð fyrir því að þær komi ekki fullkomlega vel fram við jarðarbúa enda er stigsmunurinn á milli okkar mikill og takmarkað jafnræði. Þær eru ekki beinlínis óvinveittar enda hefðu þær fyrir löngu verið búnar að afgreiða allt vitsmunalegt líf hérna og leggja undir sig jörðina.

Hérna í þessu myndbandi ræðir Dr. Michio Kaku aðeins um siðmenningartýpurnar.

Og hérna er Wikipedia grein um Kardashev scale

Í þessu myndbandi ræðir hann meðal annars um Seti verkefnið og afhverju það hefur enn ekki fengið svar, nokkuð áhugavert sjónarhorn hjá þessum ágæta manni.

Myndbandið er ca. 9 mínútur.